SANTO компаниясы

SANTO компаниясы – Орталық пен Шығыс Еуропа, Кавказ және Орталық Азия нарықтарында жұмыс істейтін Polpharma халықаралық фармацевтикалық тобының мүшесі болып табылады. Компания қолжетімді жоғары сапалы дәрілік заттарды өндіріп, Қазақстан және  Орта Азия нарықтарына жеткізеді. Компанияның өндірістік қуаттары жыл сайын 806 миллион таблетка, капсула мен түйіршіктерді; инъекциялық ерітіндісі бар 131 млн ампулаларды; инфузиялық ерітіндісі бар 1,8 млн пакет пен бөтелкелерді;  антибиотиктер (цефалоспориндер) ұнтақтарының 23 млн құтысын;  антибиотиктер (пенемдер / мициндер) ұнтақтарының 10 млн құтысын, сұйық пероральдық дәрілік заттардың 4,2 млн құтысын өндіруге мүмкіндік береді.

SANTO компаниясы Қазақстан фармацевтикалық нарығының көшбасшысы болып табылады. Оның қоржынында 12 фармакотерапевтикалық тобында терапияның түрлі салаларында ауруларды емдеуге арналған 240-тан астам генерикалық препараттары бар.

Қазіргі уақытта Компания әрекеттегі фармацевтикалық өндірістерді GMP халықаралық стандарттарына сәйкес жаңғырту бойынша ең ірі инвестициялық жобаны іске асырып жатыр. Ол шамамен 108 млн АҚШ долларын құрайды.

Компанияның инъекциялық ерітінділер мен инфузияларды өндіру бойынша өндірістік алаңға, қатты пероральдық дәрілік заттарды өндіру бойынша өндірістік алаңға, инфузиялық ерітінділерді өндіру бойынша өндірістік желілеріне және антибиотик ұнтақтарын асептикалық жолмен бөліп салу бойынша өндірістік алаңға Тиісті Өндірістік Тәжірибенің (GMP) халықаралық стандартына сәйкестік сертификаттары бар. Компанияның дәріхана қоймасының тиісті дистрибьютерлік тәжірибесінің (GDP) стандартына сәйкестік сертификаты бар.

Компания  8 елдің - Ресей, Украина, Қырғызстан, Моңғолия, Өзбекстан, Түркменстан, Тәжікстан нарықтарына экспорттауды жүзеге асырады және ішкі нарықтың қажеттіліктерін қамтамасыз етеді.